ULTIMA HORA: 4 DETIDOS APÓS A MOBILIZAÇOM E O ACTO POLÍTICO DA CAUSA GALIZA EM VIGO.

Informamos de emergência da detençom de quatro pessoas da comarca do condado após a mobilizaçom da Causa Galiza em Vigo. Estariam acusados de participar na queima dum monicreque de madeira que representava a figura del-Rei, Juán Carlos I de Borbom na finalizaçom da mobilizaçom da entidade autodeterminista. Os companheiros foram detidos por efectivos da polícia espanhola tempo depois de se ter espalhado a gente que participara da manifestaçom. CONCENTRAÇOM POPULAR DIANTE DA ESQUADRA DA POLICIA ESPANHOLA EM LOPEZ MORA. Nestes momentos e desde antes das cinco da tarde mais dum cento de pessoas estám se concentrando diante da esquadra da polícia espanhola na rua Lopez Mora a reclamar a liberdade dos detidos. Estes, além do arroupamento popular, estám a receber assistência jurídica na própria esquadra. LEVE CARGA POLICIAL CONTRA OS/AS CONCENTRADOS/AS DEIXA VÁRIAS PESSOAS CONTUSIONADAS. No primeiro momento a concentraçom popular recebeu umha leve carga das forças de ocupaçom que deixou várias pessoas contusionadas, umha delas com um dedo lesado. Contudo a gente continuou aumentando e ficam plantados diante da esquadra a berrar palavras de orde contra as forças de ocupaçom e pola liberdade dos detidos. De Ceivar denunciamos este novo ataque contra os sectores populares que nom renunciam à democracia para Galiza e que nom se pregam aos ditados constitucionalistas e autonomistas monárquicos pulando polo exercício dos nossos direitos nacionais, pola soberania e pola materializaçom dumha República Galega. Reclamamos a liberdade das quatro pessoas detidas e chamamos a participar da concentraçom que está a ter lugar diante da esquadra de lopez mora LIBERDADE DETIDOS!! CONTRA A REPRESSOM ESPANHOLA, SOLIDARIEDADE!! FORA AS FORÇAS DE OCUPAÇOM!! AVANTE POLA AUTODETERMINAÇOM!!