O preso independentista Ugio Caamanho foi condenado a quatro meses de prisom pola tentativa de fuga protagonizada em Fevereiro

Vem de fazer-se pública a sentença ditada por um tribunal espanhol contra o preso independentista galego Ugio Caamanho, que na madrugada do passado mês de Fevereiro protagonizava umha tentativa de fuga do centro penitenciário de Cáceres onde se encontrava naquela altura dispersado. A resoluçom judicial condena Caamanho a quatro meses de prisom. Recordamos que o militante independentista reconhecera abertamente ter tratado de evadir-se da prisom espanhola. Advogados do nosso organismo estudam a possibilidade de apresentar recurso contra este auto judicial, fundamentando-se na linha de defesa seguida durante o juízo, que vinca na situaçom ilegal em que se encontra este cidám galego, desterrado ilegalmente do seu País e com mais de dous anos em prisom sem juízo. Lembramos que Ugio Caamanho tem umha outra petiçom fiscal de 21 anos de prisom pola suposta participaçom, junto a Giana Gomes, para a que a ‘Audiencia Nacional’ pede 19 anos de cárcere, na voadura dum caixeiro da entidade financeira Caixa Galicia.