Do organismo popular anti-repressivo anunciamos que nas próximas semanas se iniciará umha campanha informativa e agitativa a nível nacional para dar a conhecer e visibilizar perante a populaçom galega o processo repressivo em que se encontram inserid@s Ugio Caamanho e Giana Gomes que, neste momento, se encontram presos sem juízo a centos de quilómetros da Galiza e vem vulnerados um direito elementar como é o direito a cumprir prisom preventiva num centro penitenciário próximo dos seus domicílios. De este portal detalharemos no sucessivo todas as iniciativas postas em andamento com vistas a activar a massa solidária que resposte ao repto colocado polos tribunais de excepçom do Estado. Consideramos, desde este momento, que a participaçom na iniciativa solidária nacional é um mínimo democrático perante um processo que se celebra num tribunal político especial carente de garantias e submetido ao Executivo de Madrid e num Estado que desrespeita abertamente as mais elementares liberdades democráticas. Chamamos, portanto, a umha activaçom solidária colectiva que nom implica nem presupom a priori, necessariamente, umha identificaçom política com os factos ou as militáncias de que podam estar acusad@s @s dous pres@s independentistas galeg@s, mas o reconhecimento do carácter político de ambos prisioneiros, comprometid@s desde jovens na luita pola liberaçom nacional e social da Galiza e plenamente integrad@s na nossa sociedade; a reivindicaçom da sua liberdade e a denúncia do perfil e a vocaçom exemplarizante a nível repressivo que informa todo o processo actualmente em curso.