6000€ e três anos de cárcere: petiçom fiscal para três independentistas acusados de “injúrias ao Exército espanhol”

Os limites para o exercício da liberdade de expressom no nosso País som nítidos e saltam cada vez que alguém denúncia ou critica instituiçons, consensos e políticas intocáveis. É o caso, por excelência, do Exército e a Monarquia do país vizinho. @s independentistas A. M., A. T. e A. R. serám processad@s às 11:00 de amanhá nos Julgados de Ponte Vedra por “injúrias” à organizaçom armada espanhola e “mal-trato” (sic) a membros das FFAA. A petiçom fiscal é de mais de 6000€ de sançom e um ano de prisom para cada jovem. Umha concentraçom de solidariedade com os processados está convocada para a mesma hora e lugar do processamento. Os factos que desencadeiam o presente processo repressivo datam de Junho de 2006, quando um grupo de jovens galeg@s se manifestava perante o posto da ‘Brigada Ligera Aerotransportable’ (Brilat) instalado perto do licéu Valle Inclán de Ponte Vedra. A ubicaçom deste tipo de postos propagandísticos desenvolve-se desde há anos em centros de ensino público e nas comarcas mais deprimidas da Galiza ao objecto de captar efectivos para o Exército nos sectores mais precarizados e com menos expectativas sócio-económicas da mocidade galega. De facto, vári@s jovens falecid@s nas aventuras imperialistas do Estado espanhol no Afeganistám ou o Líbano som de procedência galega. Agressores denunciam mais umha vez os agredidos Na altura, efectivos da Polícia Militar espanhola desgarraram a faixa portada pol@s manifestantes e agrediram @s concentrad@s. Apesar de que nom se produzírom identificaçons legais, as FSE reconhecérom a posteriori os rostos dos jovens e acusárom três manifestantes dos ‘delitos’ citados. Perante o início imediato do processo, a organizaçom juvenil independentista Briga anuncia a sua “firme decisom de nom ceder ante a presssom e a intimidaçom” e apela a participar na concentraçom anti-repressiva que se celebrará amanhá a partir das 11:00 nos Julgados de Ponte Vedra. Mais informaçom no linque situado ao pé desta notícia.