Ceivar edita e disponibiliza na rede audiovisual sobre a repressom contra a juventude independentista na véspera do Dia da Pátria

Se 25-J de 2007 foi protagonizado pola mobilizaçom de 2000 pessoas em defesa da Autodeterminaçom convocadas por Causa Galiza, as horas prévias ao Dia da Pátria tinham na repressom dessatada contra a ‘Rondalha da Mocidade independentista’, convocada por AMI, o contra-ponto da jornada. Dezenas de pessoas contusionadas, vári@s ferid@s, ocupaçom policial da cidade, destruiçom de postos de material, roubo de dinheiro e tomada do Clínico por agentes ‘antidistúrbios’ para inibir a realizaçom de partes médicos polas agressons, fôrom a forma fascista de as FSE festejar o ‘Patrón de España’ e evidenciárom ante própri@s e alhei@s qual é a democracia que impera na Galiza. Por parte deste organismo anti-repressivo, além de denunciar horas depois os acontecimentos –denúncia rapidamente retirada das ruas polas forças policiais que agiram na noite anterior-, e favorecer a interposiçom de denúncias judiciais contra as FSE, quigemos que perdurasse na memória colectiva a desfeita cometida por dezenas de polícias espanhóis em 24 de Julho de 2007 na nossa capital. Desfeita contestada in situ, nas horas seguintes e na mobilizaçom autodeterminista do 25-J, como exemplo dum movimento que dia-a-dia rechaça ser objecto passivo da repressom, mas é sujeito colectivo com capacidade de reacçom e de resposta. O resultado deste trabalho de denúncia é o audiovisual que hoje apresentamos e no que aparece boa parte do material gráfico ainda inédito. Antes de mais, queremos exprimir o nosso agradecimento ao excelente labor realizado por vários reporteiros gráficos, nom dos meios empresariais, no momento e lugar dos factos: sem a sua presença, sem o risco físico assumido para testemunhar em imagens o ocorrido, este audiovisual nom teria sido possível e o conhecimento dos factos provavelmente se restringisse apenas aos centos de pessoas que nessa noite pudérom comprovar como ‘trabalham’ as FSE. O audivisual está publicado no portal google.videos, no youtube e proximamente em blip.tv. Os dous primeiros som acessíveis desde o linque anexado ao pé da notícia.