Paco Cela é dispersado a Navalcarnero e António Lago permanece em isolamento total

Segundo informaçons publicadas pola organizaçom anti-repressiva ‘Socorro Rojo Internacional’, a repressom penitenciária está a cevar-se em dous presos politicos galegos encarcerados, respectivamente, em Madrid (Espanha) e Novara (Itália). Trata-se do verinês e vizinho da Corunha Paco Cela Seoane e do viguês António Lago Iglésias. O primeiro foi dispersado de Soto del Real à prisom também madrilena de Navalcarnero. Lago Iglésias permanece em isolamento total desde o seu encarceramento na prisom italiana de Novara. A informaçom sobre a dispersom de Paco Cela era difundida na passada semana polo SRI. O preso comunista verinês foi detido por efectivos da Guarda Civil espanhola no operativo desenvolvido na Catalunya para desarticular “o último comando operativo dos Grapo”, segundo apontou no seu dia o Ministério do Interior espanhol. O deslocamento de Paco Cela para um outro cárcere do contorno da capital espanhola acrescenta a distáncia em quilómetros para as pessoas que acodem semanalmente a visitá-lo, além de demonstrar que o Executivo de ZP incumpre sistematicamente a legislaçom penintenciária com todos os presos e presas políticas galegas. Incomunicaçom total Por sua parte, outro militante político galego, o viguês António Lago Iglésias, continua encarcerado sob um regime de total incomunicaçom desde o seu ingresso na prisom italiana de Novara no passado 10 de Agosto. Lago Iglésias, que é activista da organizaçom anti-repressiva ‘Socorro Rojo Internacional’, nom recebe nengum tipo de comunicaçom exterior umha vez que apenas lhe som entregadas as cartas escritas em italiano. Este facto, além de impossibilitar a comunicaçom postal com companheir@s e familiares, implica que nom se poda carteiar com os seus advogados o que aumenta exponencialmente a sua indefensom. Lago Iglésias é um preso político com umha larga experiência repressiva às suas costas: estivo 20 anos presos no Estado espanhol, 2 no francês e desenvolveu 14 greves de fame além de ser torturado e isolado em diversas ocasions. O tratamento penitenciário de que está a ser objecto este militante evidencia até que ponto na UE nom é apenas o espanhol o único Estado que nom duvida em recorrer aos meios mais inumanos e ilícitos para dobrar a vontade dos presos e presas políticas: também o Executivo italiano, com umha extensa experiência em contrainsurgência interna, aplica a tortura, o isolamento e a prisom preventiva como instrumentos de castigo preferentes nos seus centros prisionais. Apontamos a seguir o destino actual de Paco Cela, com o que temos partilhado iniciativas anti-repressivas comuns, animando os leitores e leitoras deste portal à comunicaçom postal com o preso galego. Francisco Cela Seoane Centro Penitenciario Madrid IV 28600-Navalcarnero (Madrid) España