A direcçom do macrocárcere de alta segurança de Teixeiro vem de dispersar na tarde de hoje os dous grevistas bascos que reivindicavam a sua saída do módulo de isolamento trás cinco anos de permanência no mesmo. Goio Escudero foi transferido para umha prisom de Granada e Íñigo Guridi sairá de isolamento para ingressar num módulo de primeiro grau no centro penitenciário de Teixeiro. A medida produz-se apenas três dias após iniciar-se a greve de fame com a que ambos presos bascos reivindicavam a sua saída do módulo de incomunicaçom e supom a finalizaçom da medida reivindicativa e a desactivaçom das iniciativas de resposta em gestaçom. Liquidar o protesto sem solucionar a situaçom De Ceivar denunciamos mais umha vez a política de dispersom penitenciária e, concretamente, a medida adoptada polo centro que dirige Antonio José Vázquez Prado, fidel sucessor das políticas de extermínio aplicadas polo seu antecessor no cargo Carmelo Vilches Perelló. A dispersom de Íñigo Guridi e Goio Escudero nom visa solucionar o problema do isolamento, mas impedir a existência de qualquer iniciativa de protesto desde dentro do próprio centro penitenciário. Aliás, exigimos a imediata transferência de todas as presas e presos bascos que permanecem em cárceres espanhóis instalados no nosso território nacional a centros penitenciários situados em Euskal Herria.