Segundo nos notificárom às 17 h da tarde de onte ao Organismo Popular Anti-repressivo CEIVAR,começava naqueles intres o traslado da militante galega a umha cadea espanhola situada nas proximidades da Audiência Nacional de Madrid,conduçom da qual permitírom à companheira dar aviso telefónico instantáneo. O traslado a mans da Guarda Civil espanhola parece ser que se realizou de modo “correcto”, embora do nosso Organismo Anti-repressivo continuemos sempre a denunciar o recurte de direitos que na prática supom para @s pres@s a precipitaçom com que som avisad@s do deslocamento a que imediatamente som submetid@s, dado que nom contam com tempo para realizar a mudança das suas pertenças numhas mínimas condiçons, nem sempre podem telefonar para familiares e/ou amizades que, sendo sexta-feira, talvez se pudessem encontrar de caminho para umha visita de 40 minutos que afinal ficaria sem poder ser levada a cabo, etc.,etc. Pola chamada telefónica realizada na manhá de hoje de novo, sabemos que nesses momentos a companheira Giana Gomes se atopava no módulo de ingressos da prisom de Soto del Real. Embora lhe notificassem que num início só lhe permitissem um contacto de 3 minutos para dar conta ao mundo exterior da sua nova localizaçom penitenciária,em vez dos 5 minutos a que tenhem direito @s pres@s, a mlitante comunicou que as listas de visitas e chamadas autorizadas continuarám, polos vistos, funcionando-lhe como até agora. O motivo do deslocamento da presa independentista de novo para Madrid (prevemos o do preso Caamanho tamém em breve) é umha nova comparecência perante o Julgado Central de Instruçom núm.4 da A.N. para umha nova prática de diligências judiciais, no dia 3 de Julho às 10 h,coa finalidade de se lhe comunicar a prórroga da prisom preventiva a que Gomes e Caamanho levam já 23 meses submetid@s. Denunciamos que, após a A.N. rejeitar recentemente o recurso contra os motivos que esgrimiu num auto no passado 17 de Abril para o processamento d@s pres@s independentistas galeg@s (vid.ligaçom inferior), este tribunal político e de excepçom decidirá,polo que parece, continuar mantendo Gomes e Caamanho em prisom, dado que no vindeiro mês, quando se cumprirám 2 anos da sua queda,a A.N. deveria de pô-l@s em liberdade se o juízo ainda nom se celebrar. Lembremos tamém que o Estado Espanhol incumpre mais umha vez a sua própria legislaçom quando prorroga umha prisom provisional sem haver motivos processuais para isso, o que demonstra aliás que o tratamento que está a dar à presa e ao preso independentistas é claramente o de pres@s polític@s. Fazemos um novo apelo à transmissom da solidariedade para coa militáncia galega ilegalmente sequestrada pola política de dispersom espanhola, escrevendo aos seguintes endereços que cada pouco nos vemos na obriga de (re)actualizar: GIANA RODRIGUES GOMES Centro Penitenciario de Madrid-V Ctra. Comarcal 611, km. 37,6 28770 Soto del Real Madrid Espanha Facilitaremos aos nosso público leitor o endereço do preso Ugio Caamanho, destinado desde Fevereiro em Puerto de Santa María I (Cádiz), quando o seu previsível iminente traslado se realizar.