Onte à tarde eram detidas em Barcelona seis pessoas, quatro delas militantes clandestinos do ilegalizado Partido Comunista de España (reconstituido). As outras duas pessoas supostamente pertenceriam à organizaçom armada GRAPO. Entre as pessoas detidas acham-se dous galegos, Francisco Cela Seoane, vizinho de Corunha, e Jorge Garcia Vidal, nativo do bairro viguês de Téis. Desde o organismo popular anti-repressivo Ceivar queremos manifestar a nossa solidariedade com as pessoas detidas e como a organizaçom política PCE(r), organizaçom que está a ser perseguida e criminalizada polo Estado espanhol há muitos anos. Mais umha prova disto é a apresentaçom pública destas detençons como se se tratar dumha única operaçom lançada contra militantes armados no já por muitas conhecido guiom garzoniano que identifica e subordina o partido PCE(r) à organizaçom armada GRAPO. Do organismo popular anti-repressivo Ceivar mostramos a nossa preocupaçom polo tratamento que podam estar a receber as pessoas detidas a maos da Guardia Civil e exigimos que sejam postos em liberdade e exposta publicamente a sua integridade física e psíquica. SOLIDARIEDADE ANTE A REPRESSOM Gentes do movimento social e popular da Corunha lançaram autoconvocatória de concentraçom solidária manhá 8 de Junho às 20:30 frente à Delegaçom do Governo na Corunha. O organismo popular anti-repressivo Ceivar quer manifestar o seu apoio à concentraçom solidária com Paco Cela Seoane, conhecido do nosso organismo, e bem conhecido no ámbito dissidente e do movimento social e popular no município da Corunha, com o que partilhamos algumhas actividades anti-repressivas no país. STOP REPRESSOM!! SOLIDARIEDADE!!