F.S.E. em Lugo tacham liberdade de expressom de “apologia do terrorismo”.

Mostrar publicamente insígnias de solidariedade com pres@s polític@s pode custar umha denúncia, no “democrático” Estado de Direito espanhol, por “apologia do terrorismo”, a instáncias das suas Forças de “Segurança”, teoricamente encarregadas por garantirem o cumprimento do ordenamento jurídico e direitos cívicos que na prática se dedicam a repremer sem duvidá-lo. Assi aconteceu recentemente na cidade de Lugo a siareiros da 62 de futebol local, segundo estes venhem de comunicar a Ceivar. Denúncias, roubo, perseguiçom e acossa configurárom um cenário repressivo que começou quando agentes da Polícia Nacional espanhola se dirigírom contra um jovem independentista lucense, integrante da torcida brigadas lucenses (siareiros independentistas do C.D. Lugo),para tentar denunciá-lo por levar umha bandeira em solidariedade co(a)s pres@s polític@s basc@s, que aliás lhe roubárom. Segundo os agentes, a portagem dessa insígnia seria sinónimo de “apologia do terrorismo”. Como atitude de defesa para co seu companheiro,outros siareiros começárom, nas cercanias do estádio, umha pequena briga cos agentes, no sentido de recriminar-lhes a arbitrariedade que no suposto exercício das suas funçons estavam a cometer. A partir de entom, os polícias iniciárom um cacheio colectivo, colocando todos os jovens contra umha parede durante toda a segunda parte do jogo que se estava a celebrar, entanto proferiam comentários insultantes contra a nossa língua e a condiçom nacional galega.O jovem detido em primeiro lugar voltou ao estádio entre berros de: “Nom á repressom,liberdade!”. Posteriormente, quando os siareiros caminhavam polo centro da cidade,os agentes de “a nacional” montárom um espectacular dispositivo repressivo, retendo 13 jovens e obrigando-os a permanecerem coas mans em alto e em fileira contra umha parede. Segundo os agentes desta força policial de ocupaçom, todos eles serám denunciados. O seguimento policial continuou durante o resto da noite. O colectivo agredido vem de exigir responsabilidades à Subdelegaçom do Governo espanhol na cidade dos acontecimentos, por meio de mobilizaçons cidadás, que do nosso Organismo Popular Anti-repressivo apoiamos plenamente para continuar trasladando às ruas do País as incumpridas demandas de direitos democráticos de facto, mais alá de puras declaraçons retóricas, por parte da classe política dirigente, sobre as garantias de liberdade de expressom que as suas leis dim reconhecer-nos. De Ceivar queremos denunciar ainda que, enquanto as autoridades espanholas decidírom, em Julho do passado ano,o permisso de liberdade para o neonazi que assassinou o afeiçoado basco da Real Sociedad Aitor Zabaleta (vid. a notícia da ligaçom anexada ao final), pacíficos siareiros podem ser denunciados por “apologia do terrorismo” por exprimirem as suas opçons políticas com meros símbolos. Mais umha mostra de que a Espanha nom aplica a mesma vara de medir segundo se tratar de quem politicamente for contra dela ou ao seu favor.