Ceivar fai um chamado urgente para o conjunto do MLNG activar a sério a solidariedade economica

Surda e pouco espectacular, mas efectiva, desde sempre a repressom económica erosionou e erosiona em silêncio e permanentemente o Movimento de Libertaçom Nacional Galego em todas as suas expressons políticas, sectoriais e individualidades. Anualmente, o Estado espanhol força o MLNG a detrair dezenas de milhares de euros do imprescindível trabalho social e político diário para financiar a defesa judicial de militantes represaliad@s, contratar procurador@s, deslocar advogados a Madrid, realizar recursos, pagar liberdades provisionais, sufragar multas, etc. Ao panorama conhecido e enfrentado desde há décadas, engade-se agora a problemática derivada da ‘Operación Castiñeiras’ e o encarceramento de patriotas e a sua dispersom e afastamento a centos ou milhares de quilómetros da Galiza. Além dos imagináveis gastos de toda classe que provoca a prisom e devem abordar-se por parte da solidariedade anti-repressiva, queremos incidir num particularmente importante: o financiamento das viagens aos centros penitenciários para realizar os vis-à-vis e as visitas semanais de 40 minutos, únicos contactos directos com o exterior de que desfrutam @s patriotas galeg@s pres@s. Fazer ingressos regulares na Conta Nacional de Resistência Voos de aviom, longos percorridos por estrada ou caminho-de-ferro, estáncias em hostais, alimentaçom, reparaçom de veículos, aluguer de táxis para ir a prisons que carecem de transporte público regular, gastos vários, etc. geram umha pressom constante sobre as rendas humildes e em muitos casos precarizadas das pessoas que acodem aos cárceres. Esta pressom, nas circunstáncias actuais, ultrapassa largamente os 2500 ou 3000 euros mensais se trazemos em conta o número de pessoas que se deslocam cada fim-de-semana aos cárceres e o ritmo fixado para as visitas (cobertura de todas as possíveis). É por estes motivos que, entendendo a defesa d@s independentistas galeg@s represaliad@s polo Estado como umha obriga ética e política do conjunto do MLNG, de Ceivar fazemos um apelo colectivo a CONSIDERAR A SÉRIO A POSSIBILIDADE DE TRAVAR COM O NOSSO ORGANISMO COMPROMISSOS ECONÓMICOS ESTÁVEIS. A modalidade em que precisamos esta solidariedade som os ingressos regulares na Conta Nacional de Resistência do nosso organismo, dado que, além das achegas pontuais, as quantidades recebidas por esta via som as únicas que podem permitir umha planificaçom estratégica da solidariedade com @s pres@s independentistas. Achegamos no cabeçalho deste portal o número da Conta Nacional de Resistência para todas aquelas pessoas e colectivos decididas a praticar a Solidariedade Económica. Aliás, o correio ceivar@ceivar.org para solicitar os impressos que temos a disposiçom através dos que se podem fixar modalidades concretas de colaboraçom nesta tarefa imprescindível.