Manhá, quarta-feira dia 28 de Março, será celebrado no Julgado número 1 de Compostela (Fontinhas), às 11:15 hh, um juízo por “desobediência à autoridade” a umha estudante independentista.Do nosso Organismo Anti-repressivo convocamos a concentrar-se no lugar a partir das 11 hh em solidariedade coa encausada, a cujo apoio chama tamém o Independentismo estudantil organizado. A processada,A.P., é aluna de Ciências da Comunicaçom na U.S.C. e activista no ámbito da mobilizaçom universitária. Estamos perante mais um caso de repressom a militantes estudantis independentistas, bastante reiterados nesta tempada em que a luita das assembleas da USC começa a renacer, após um perído anterior de silêncio nas ruas. Como cada vez que as reivindicaçons se reactivam fora dos espaços mais académicos e “permitidos” polos escassos resquícios que o sistema “concede” à sua cidadania para dissentir contra el,os esforços dos agentes policiais por calar as vozes contestárias aumentam. Assi acontecia inclusive nesta passada noite, durante a qual membros da Coordenadora de Estudantes da USC telefonavam para o nosso Organismo co fim de avisar dum desproporcionado dispositivo policial que sitiou um aluno independentista que se encontrava com cartazes polo Campus compostelano;cordom policial que, nesta ocasiom, afinal nom acabou coa nada infrequente privaçom de liberdade do militante I.B.M. No caso da vista que terá lugar manhá,a jovem de Ciências da Comunicaçom fora interceptada a 29 de Novembro pola Polícia Local portando cartazes de Ceivar, coa pretensom de denunciar nas ruas a detençom política do militante P.M. naquela tarde. A solidariedade co detido visibilizara-se palpavelmente em Compostela e nos arredores nessa noite, como se detalha na ligaçom inferior, razom pola qual as F.S.E. despregaram um considerável dispositivo repressivo tendente a conseguir o que nom fôrom capazes: que mais umha detençom política fosse invisibilizada polo medo à repressom. NENGUMHA AGRESSOM SEM RESPOSTA!