Segundo informaçons facilitadas a Ceivar na fim-de-semana polas famílias das presas políticas galegas de Brieva, entre as quais a da independentista Giana Gomes,as primeiras represálias polo plante realizado a dia 10 de Março polas presas galegas e bascas do Módulo Azul já se figérom sentir. Se nos dous últimos dias soubemos da conduçom do Módulo Azul dessa prisom (segundo grau penitenciário ou “vida normal”) ao Módulo Amarelo, estáncia de castigos de isolamento (como de isolamento é tamém o Módulo Vermelho ou de primeiro grau, habitualmente ocupado polas bascas), dumha presa política do P.C.E.(r)e umha dos G.R.A.P.O., informaçons de hoje a última hora acabam de comunicar-nos que todas as políticas do M. Azul (colectivo a que a Giana Gomes pertence) estariam isoladas, por causa do protesto conjunto levado a cabo a raiz da tentativa da prisom de pretender “dobrá-las” (nom respeitar o direito a umha cela individual). Sobrelotaçom das cadeas espanholas. Se num primeiro momento nom se aplicou a sançom às militantes foi, precisamente,segundo a Giana Gomes informara onte, porque o módulo de isolamento se atopava tamém totalmente cheo.”Curiosamente”,a situaçom que motivaria a vulneraçom do direito a umha cela individual e o conseguinte protesto das presas políticas seria tamém o que impediria, num princípio,a execuçom de castigos por parte da direcçom da prisom. O direito de visitas e vises está a ser mantido a presas isoladas.Tamém a militante independentista Giana Gomes mantivo a sua comunicaçom de onte por locutório e encontrava-se em perfeito estado. Unicamente, as presas notificam que o regime de chamadas telefónicas habituais pode sofrer alteraçons, como parece que nestes dias estivo a acontecer à Giana. De Ceivar continuaremos a informar conforme novos dados venham a confirmar a situaçom,hoje mesmo ou nos vindeiros dias,de represálias à Giana Gomes pola justa luita das presas polo respeito da própria legalidade nas condiçons de vida das cadeas. Alertamos dum possível traslado da Giana para umha outra prisom, a consequência desta situaçom. Chamamento à solidariedade coa Giana e co Ugio Caamanho. Nestes momentos, as demostraçons de apoio à(o)s pres@s fam-se necessárias. Lembremos que o Ugio se atopa num dos módulos do longínquo penal espanhol a que foi transferido por castigo (Cádiz) no qual, segundo nos informam a Ceivar achegad@s de pres@s que se atopam nessa prisom, os carcereiros adoitam aplicar piores condiçons de vida aos seus habitantes forçosos.A permanência nesse módulo I (módulo de ingressos) sói prolongar-se por volta dum mês. Chamamos portanto a um envio maciço de cartas à(o)s pres@s como método para mitigar os efeitos dos castigos disciplinários e da ilegal dispersom: GIANA RODRIGUES GOMES Centro Penitenciario de Brieva Módulo azul Apartado 206 Carretera de Vicolozano 05194-Brieva (Ávila) Espanha UGIO CAAMANHO SAM-TISSO Prisión de Puerto de Santa María I A.C. 555 , Ctra. Jerez-Rota, km. 6,4 Código Postal: 11500 Puerto de Santa María (Cádiz) Espanha ÚLTIMA HORA: A presa Giana Gomes já se encontra nestes momentos coas comunicaçons telefónicas reestabelecidas e, por enquanto, nom lhe foi afinal aplicada a mesma sançom de isolamento que a outras “políticas” do mesmo Módulo Azul. De Ceivar exigimos o cessamento imediato de qualquer represália às presas de Brieva por mor da sua justa luita polos seus direitos.