Os problemas derivados da massificaçom dos centros penitenciarios espanhóis podem supor proximamente umha mudança significativa nas condiçons de vida da presa independentista galega Giana Gomes, dispersada à prisom de Brieva (Ávila) a mais de 500 quilómetros da Galiza. Segundo as últimas informaçons, várias presas políticas ‘plantárom-se’ no dia de hoje em Brieva para nom ser ‘dobradas’. A medida reivindicativa poderia derivar na sua conduçom a isolamento e umha possível transferência de prisom. A direcçom de Brieva projecta rematar proximamente com o regime de ‘umha presa, umha cela’ e ‘dobrar’ as celas ainda individuais, encerrando duas pessoas por cela. Esta iniciativa implica umha deterioraçom das condiçons de habitabilidade e privacidade à que, desde o dia de hoje, se opugérom Giana Gomes e outras presas políticas do Módulo Azul do centro penitenciário abulense. À espera de como podam desenvolver-se os acontecimentos nas próximas horas, de Ceivar chamamos à denúncia desta nova medida repressiva que implica umha notável perda de direitos para as militantes recluidas em Brieva. Continuaremos informando a medida que se conheçam jos_content notícias. Enquanto, publicamos mais umha vez o destino forçoso da presa independentista galega chamando ao envio de telegramas e cartas de solidariedade com Giana Gomes. GIANA RODRIGUES GOMES Centro Penitenciario de Brieva Módulo azul Apartado 206 Carretera de Vicolozano 05194-Brieva (Ávila) Espanha