Começou a transferência do preso independentista galego Ugio Caamanho para Puerto de Santa María I

Segundo a chamada realizada nesta mesma manhá, o militante galego Ugio Caamanho iniciava na manhá de onte a sua transferência desde a prisom de Cáceres para o centro penitenciário de Puerto de Santa María I em Cádiz, no extremo sul do Estado espanhol e a mais de mil kilómetros do seu lugar habitual de residência. O deslocamento do independentista galego foi desenvolvido por efectivos da Guarda Civil e na tarde de hoje Caamanho encontrava-se internado na prisom de Badajoz como paragem intermeia até Puerto I. Embora existe umha incerteza absoluta a respeito de que tempo poderia supor a transferência definitiva, o militante galego si continuará em regime de isolamento e à espera de jos_content “cundas” –transferências dum cárcere para outro- até alcançar o destino imposto por Instituiçons Penitenciárias. Assinalar, segundo já temos denunciado, que “Puerto I” é conhecida entre os presos políticos e sociais de todo o Estado por ser um dos centros penitenciários mais duros dos 77 que regenta Instituiçons Penitenciárias. Ugio Caamanho iria, segundo indicam as primeiras informaçons, à estrutura conhecida como “búnquer” onde estám recluidos os presos em regime de isolamento total. De Ceivar queremos denunciar a imposiçom do regime de isolamento ao patriota galego, umha vez que nom está justificado por qualquer “perigosidade” em termos de ordem interna da instituiçom e dado que a deprivaçom do contacto e a comunicaçom com outros presos, a reclusom durante a maior parte do dia num espaço muito reduzido e as limitaçons colocadas para a realizaçom de todo o tipo de actividades –leitura, estudo, desporto, etc.- nom tenhem outro objectivo que o escarnecimento e a destruiçom progressiva a nível físico, psíquico e político dos presos que som objecto deste tipo de regimes inumanos. Socializaçom da repressom Junto com o caso da presa independentista galega Giana Gomes, recluida no centro penitenciário abulense de Brieva, a dispersom de Caamanho até o extremo sul da Península Ibérica a iniciativa da Direcçom Geral de Instituiçons Penitenciárias que preside a ‘socialista’ Mercedes Gallizo define um panorama de extensom da repressom a familiares, amig@s e contorno político e social de amb@s militantes. Assi, dezenas de galegas e galegos se vem forçados, desde ano e meio, a percorrer em tempos record cada fim-de-semana distáncias que vam dos 1000 aos mais de 2000 quilómetros de distáncia para comunicar durante só 40 minutos com o preso e a presa independentistas. De Ceivar denunciamos mais umha vez que esta política unicamente pretende extender a repressom a todo o contorno afectivo, social e político de Giana Gomes e Ugio Caamaho, e que carece de qualquer motivaçom a nom ser a puramente punitiva. A dispersom, além de ser umha modalidade de tortura encuberta e umha pena engadida ao próprio encarceramento, é umha ilegalidade explícita cometida desde o próprio Executivo espanhol que pom de relevo a natureza do pretendido Estado de Direito: a utilizaçom da lei à vontade, em funçom de conjunturas políticas e necessidades repressivas governamentais é a norma nom escrita e dominante. Reforçar as vias de solidariedade abertas durante os últimos meses Pouco mais podemos engadir ao já afirmado reiterativamente neste portal. Apenas incidir por enésima vez no PAPEL ESSENCIAL QUE NOS PRÓXIMOS TEMPOS VAI JOGAR A SOLIDARIEDADE ACTIVA. Nom se trata apenas dumha palavra-de-ordem ou umha prática de tintes limitadamente humanitários, mas dumha ferramenta política fundamental da que devemos fazer uso a cada com mais força nesta luita desigual. A este respeito, queremos vincar na importáncia que nesta “agudizaçom da dispersom” joga a solidariedade económica para financiar dezenas de viagens, estáncia em hostais, alimentaçom e a infindade de gastos que implica a dispersom; o compromisso extra-muros em manter a comunicaçom com @s noss@s pres@s –correio, visitas, vises, etc.- e, finalmente, sem que a ordem implique um critério de importáncia, o reforçamento do trabalho anti-repressivo e da estrutura Ceivar para levar a cabo todas estas tarefas imprescindíveis. GIANA, UGIO, LIBERDADE!!! NOM À DISPERSOM: REPATRIAÇOM!!! ZAPATERO REPRESSOR!!! AVANTE A LUITA POLO DIREITO DE AUTODETERMINAÇOM!!!