A Plataforma Cidadá “Que voltem à casa!” apresenta-se no Val da Amaía

Segundo informaçons recolhidas do web da Plataforma Cidadá “Que voltem à casa!”, organizaçom nascida para reivindicar a repatriaçom e o cessamento da prisom preventiva d@s galeg@s Giana Gomes e Ugio Caamanho,o colectivo realizará a sua apresentaçom ao público no Val da Amaía na quinta-feira 1 de Março. Este acto enquadra-se no ciclo de palestras informativas que, coa finalidade de se dar a conhecer à sociedade galega, a Plataforma Cidadá está a realizar nesta actual etapa por diversas comarcas do País. Desta volta, a cita será na vindeira quinta-feira, 1 de Março,às 20:30 h no Centro Social A Fouce de Ouro (Praça de Chaviám, Bloco 2, Baixo 5 – Bertamiráns,Ames). Da Plataforma Cidadá anunciam no seu web que continuarám a impartir palestras por mais comarcas galegas,co intuito de difundir o seu manifesto fundacional e actividades a realizarem. Lembramos que o dito manifesto, que a dia de hoje já conta com mais de 450 assinaturas de apoio e reproduzimos a seguir na íntegra,reivindica das Instituiçons Penitenciárias espanholas o cumprimento da legalidade vigente, que levaria a acabar coa medida da dispersom carcerária e a se cumprir o direito das pessoas presas a estarem em cadeas próximas dos seus lugares de origem. Tamém anunciam, deste colectivo, que se procura o respaldo de colectivos e organizaçons sociais. De Ceivar mostramos o nosso apoio ao manifesto da Plataforma Cidadá, assi como às actividades levadas a cabo para exigir a repatriaçom d@s pres@s galeg@s mencionad@s, por considerarmos umha iniciativa positiva a cidadania se organizar para protestar pola repressom engadida que a ilegal medida penitenciária da dispersom supom para as pessoas presas.