Última hora:o preso independentista galego Ugio Caamanho será deportado à prisom espanhola de Puerto de Santa Maria (Cádiz)

O PSOE parece te-lo claro a respeito d@s pres@s independentistas galeg@s: dispersom sem limites e vulneraçom de direitos fundamentais.Segundo informaçons que nos chegam de última hora,a nova medida repressiva adoptada por Instituiçons Penitenciárias consiste na deportaçom do preso independentista galego Ugio Caamanho ao extremo sul da Península Ibérica mais lonjano do seu lugar habitual de residência: Puerto de Santa María (Cádiz), um centro penitenciário que se por algo é famoso é por ser um modelo de repressom carcerária sem limitaçons. Embora a transferência de Caamanho para Puerto de Santa María será recorrida polos advogados da defesa, nada convida a acreditar que a instituiçom que preside a ‘socialista’ Mercedes Gallizo vai requar nesta nova decisom ilegal de reforçar a dispersom aplicada ao patriota galego. Longe de produzir-se qualquer repatriaçom ou mero achegamento, na linha reivindicada por plataformas como “Que voltem à casa!” ou o nosso próprio organismo, o Governo espanhol opta abertamente por dar jos_content voltas de porca na estratégia de repressom aplicada a@s pres@s independentistas galeg@s e o seu círculo de familiares, amig@s e companheir@s. Nada novo podemos engadir neste momento. Conhecedor@s de que a nossa é umha carreira de fundo inçada de obstáculos e nom umha via livre, chamamos desde aqui a denunciar a situaçom d@s pres@s independentistas galeg@s, a exercer todas as formas de solidariedade activa possíveis e a que a todas aquelas pessoas e entidades que se digam democratas e tenham um mínimo de dignidade e respeito polos direitos humanos denunciem a política de dispersom e apoiem as iniciativas sociais que reivindicam a repatriaçom imediata de Giana Gomes e Ugio Caamanho. PSOE responsável Desde este meio de comunicaçom e denúncia, responsabilizamos o Executivo espanhol que preside Rodríguez Zapatero e o ‘Partido Socialista Obrero Español’ das consequências de todo o tipo que esta nova volta de porca repressiva poda supor para @s pres@s independentistas galeg@s e para todas aquelas pessoas que, semana após semana, terám que deslocar-se milhares de quilómetros até o extremo sul do Estado espanhol para poder visitar Ugio Caamanho durante 40 miseráveis minutos. Mais umha vez, quando avançamos face os dous anos de cárcere sem celebraçom do processo judicial, exigimos a repatriaçom d@s independentistas pres@s e a sua posta em liberdade enquanto nom se celebre o juízo. Recordamos aos organismos estatais que diariamente visitam e analisam esta página que tanto Ceivar, como o Movimento de Libertaçom Nacional Galego no seu conjunto, reforçarám todas as medidas necessárias para a defesa d@s companheir@s pres@s por luitar pola liberdade da Galiza. Que saibam em Madrid e onde corresponda que a solidariedade galega com @s patriotas pres@s nom se retrazerá por muitos quilómetros, violaçons de direitos e arbitrariedades que imponham a Giana Gomes e Ugio Caamanho. Finalmente, chamamos a militantes e voluntári@s de Ceivar a dar a conhecer em todas as ruas e praças da Galiza a dispersom do patriota galego a Puerto de Santa María e a reivindicaçom de imediata transferência à Galiza. Liberdade patriotas galeg@s! A luita é o único caminho! Repatriaçom Giana Gomes e Ugio Caamanho!