Meios difundem tentativa de fuga do preso independentista Ugio Caamanho enquanto silenciam dispersom penitenciária

Segundo as últimas informaçons, o preso independentista galego Ugio Camanho, recluido em cárceres espanhóis desde Julho de 2005, teria realizado umha tentativa de fuga da prisom de Cáceres (Espanha) na noite de terça-feira para quarta-feira passada. Funcionários do centro penitenciário em que se encontra dispersado teriam capturado o militante galego colocando-o posteriormente no regime de isolamento em que se encontra neste momento. À espera de poder contrastar devidamente todas as informaçons, que hoje som ‘carnaça’ para o espectáculo em diversos meios absolutamente desinteressados a respeito da situaçom de vulneraçom de direitos em que se encontram desde 2005 tanto ele como a Giana Gomes, submetidos a desterro ilegal a centos de quilómetros do seu País, e com mais de 900 dias em ‘prisom preventiva’ sem juízo, de Ceivar exigimos a imediata suspensom do regime de incomunicaçom em que se encontra o preso galego e o restabelecimento de todos os direitos legais de que é objecto. Manipulaçom informativa Diversos meios de difusom operativos na Galiza difundem no dia de hoje a tentativa de fuga do patriota galego Ugio Caamanho, desterrado ilegalmente desde Maio de 2006 ao centro penitenciário de Cáceres, a mais de 600 quilómetros da Galiza, trás ser dispersado em Julho de 2005 aos cárceres de Soto del Real e Navalcarnero, ambos situados na Comunidade Autónoma de Madrid. A notícia que dou o disparo de saída para a ‘informaçom’ que hoje publicam os meios aparecia no dia de onte em ‘El Periódico de Extremadura’, reproduzindo estes diversas tergiversaçons recolhidas na fonte original. Assi, alguns meios recolhem a falsidade de que o militante independentista é membro do nosso organismo anti-repressivo, afirmaçom em si própria contrária a toda lógica, dado que Ceivar é umha estrutura do Movimento de Libertaçom Nacional Galego destinada a denunciar a repressom política e dar cobertura àquel@s militantes que som objecto da mesma, e o companheiro Ugio Caamanho nom fai nem fijo nunca parte da mesma. Continuar com a solidariedade De Ceivar, conhecedores do papel e as práticas que desenvolvem os chamados ‘meios de comunicaçom’, nom podemos mais que valorizar que a ‘vinculaçom’ estabelecida nom tem outro objectivo que colocar o organismo anti-repressivo na diana da repressom e favorecer processos de criminalizaçom que, a posteriori, podam derivar em consequências de tipo repressivo para militantes do nosso organismo e para a própria estrutura, na linha desenvolvida desde o início da ‘Operación Castiñeiras’ em 2005. Lembramos que doze militantes independentistas se encontram processad@s pola Audiência Nacional de Espanha desde o começo da operaçom policial. Animamos os leitores e leitoras do portal a continuar com a solidariedade praticada nos últimos dous anos longos com o preso e a presa independentistas –dispersada a Ávila-, visitando no cárcere, enviando correio postal ao militante galego e participando em eventuais mobilizaçons. Anunciamos também aos ‘meios de comunicaçom’ que nengumha satanizaçom, nengumha perseguiçom mediática, nengumha manipulaçom informativa, como as que praticam forçando todos os códigos deontológicos, nos vai separar da nossa linha estratégica de intervençom: neste caso, dar cobertura solidária a um preso e umha presa independentistas galegos, denunciar as vulneraçons de direitos de que som objecto desde há mais de dous anos e dizer ao nosso povo com orgulho que, quem neste momento se encontram nas gadoupas espanholas, luitando pola liberdade e a dignidade, som umha patriota e um patriota galegos, pessoas ‘normais’ que na sua trajectória vital, conhecida e reconhecida por centos e milhares de galegas e galegos, unicamente se tenhem destacado por exercer um compromisso exemplar com a luita pola liberaçom nacional e social do nosso País. Temos a certeza absoluta de que el@s nom som os ‘terroristas’. Liberdade patriotas galeg@s! Nom som ‘terroristas’, som independentistas! A dispersom também é tortura! Repatriaçom já! GIANA RODRIGUES GOMES Centro Penitenciario de Brieva Módulo azul Carretera de Vicolozano Apartado 206 Código Postal 05194 Brieva, Ávila Espanha UGIO CAAMANHO SAM-TISSO Centro Penitenciario de Cáceres Carretera de Trujillo, s/n Apartado 480 C.P.10004 Cáceres Espanha