Chamamos a assinar o Manifesto Galego de Solidariedade com Iñaki de Juana Chaos

A greve de fame em que se encontra o revolucionário basco Iñaki de Juana Chaos desde há mais de três meses alcançou já um ponto que colocou em sério perigo a vida do militante e que, em qualquer caso, implicará graves consequências para a sua integridade física no suposto caso de o Governo espanhol ceder às legítimas demandas do abertzale e este poder salvar assi a sua vida. Assi o figérom saber nestes dias os médicos que administram alimentaçom ao preso basco contra a expressa vontade num centro sanitário madrileno. Como é conhecido, Iñaki de Juana realizou umha greve de fame anterior de 63 dias e esta é a segunda que desenvolve para reclamar a sua excarceraçom depois de cumprir a condena imposta trás a detençom em 1987. Cumprida a sentença e encontrando-se em prisom de modo abertamente ilegal, os poderes do Estado espanhol, preocupados polo ‘alarme social’ que poderia gerar a posta em liberdade do militante basco, as consequências eleitorais da sua posta em liberdade e movidos por um evidente impulso de vingança, impunham umha nova condena de prisom de 12 anos ‘fundamentada’ em dous artigos publicados no diário Gara que suporia, de facto, a aplicaçom da cadeia perpétua sobre o preso basco. A situaçom de Iñaki de Juana dava umha volta de porca informativa ao ser entrevistado e aparecer publicada esta semana umha imagem sua no diário inglês The Times em que se apreza a visível deterioraçom física do revolucionário basco. O jornal británico compara De Juana com Bobby Sands, o primeiro patriota irlandês morto em greve de fame em 1981 em demanda do reconhecimento da condiçom de prisioneiros políticos para @s nacionalistas irlandes@s encarcerad@s polo Estado británico. Sem Estado de Direito A decisom político-judicial evidencia até que extremo é um erro caracterizar o espanhol como um Estado de Direito: a aplicaçom arbitrária da legalidade com objectivos políticos e a supeditaçom do poder judicial ao Executivo som aqui a norma e nom a excepçom. De Ceivar chamamos os nossos leitores e leitoras a assinar o ‘Manifesto Galego de Solidariedade com Iñaki de Juana Chaos’, assi como a dar a máxima difusom através de contactos pessoais e electrónicos à existência do blogue que da Galiza denúncia a situaçom em que se encontra o militante independentista basco. Ao pé desta informaçom anexamos o endereço web para ligar directamente com a página citada. As assinaturas podem-se enviar ao correio electrónico solidariedadecomdejuana@gmail.com incorporando o B. I. e a actividade laboral. Aliás, no citado web, podem-se consultar os dous artigos ‘El Escudo’ e ‘Gallizo’ em base aos que o Estado espanhol vem de construir umha acusaçom e impor a sentença de 12 anos de cárcere. Recomendamos a sua leitura porquanto evidencia o carácter inóquo dos textos e ponhem de manifesto que a situaçom a que foi abocado o preso basco apenas é um acto de vingança que, em última instáncia, poderia ser qualificado, no caso de provocar-se o pior desenlace possível, como um homicídio de Estado.