Segundo recolhia onte o jornal espanhol “El País”,o alcalde corunhês,Javier Losada,advertiu de que dará parte à Fiscalia dos factos acontecidos na passada quinta-feira no Orçám, para,ainda por cima, “depurar responsabilidades” por parte das pessoas participantes da manifestaçom nacionalista que foi objecto dumha brutal agressom policial. “Habrá que poner en marcha los mecanismos necesarios para que los salvajes que provocaron los destrozos los paguen”,afirmou Losada. O alcalde pretende, segundo a citada fonte, que se elabore um informe para determinar os danos económicos causados pola batalha campal que iniciárom os antidistúrbios espanhóis contra a pacífica manifestaçom celebrada polo colectivo Siareir@s Galeg@s, e que causou divers@s ferid@s entre @s manifestantes e viandantes corunhes@s. O passeo marítimo do Orçám ficava, após a carga policial, com multidom de danos na mobília urbana. Losada pretende agora que as vítimas das agressons policiais sejam quem paguem os destroços que a Polícia Nacional causou directamente. Como acontecera a 12 de Outubro de 2005, quando, após umha carga dos antidistúrbios contra @s pacífic@s manifestantes que exprimiam a sua repulsa cara a bandeira espanhola do Orçám, um dos atacados pola Unidade de Intervençom Policial se viu posteriormente denunciado e acusado de agredir um agente (estando ainda à espera de juízo), agora novamente som @s culpáveis polos incidentes sociais @s que pretendem agir como parte acusadora contra a populaçom (vid.https://www.ceivar.org/principal.php?pagina=nova&id=500). Ceivar manifesta, para além do seu rejeitamento às forças policiais de ocupaçom espanholas, o seu total apoio às pessoas que se puderem ver injusta e falsamente imputadas numha eventual causa aberta contra @s participantes da manifestaçom nacionalista de 28 de Dezembro, à vez que exige que a anunciada “depuraçom de responsabilidades” se efectue no bando que realmente corresponde: o policial (os agentes agressores) e o político (delegado do governo colonial espanho, na C.A.G.), última instáncia responsável polo acontecido: AMEIXERAS DEMISSOM!!