Vistos para sentença dous juízos em Compostela contra a liberdade de expressom e de associaçom

Um grupo de solidári@s apoiárom na manhá de antonte, nos Julgados de Fontinhas,militantes nacionalistas e estudantes independentistas encausad@s em duas vistas celebradas polo Julgado de Instruçom núm.2 de Compostela, presidido polo anti-independentista F.J. Míguez Poza.O primeiro dos juízos realizou-se contra um estudante membro da A.M.I., umha moça de Briga (militante estudantil de Agir na U.S.C.,na altura dos factos) e mais um outro rapaz independentista. Acusad@s sem provas, como reconhece a Polícia Local de Compostela no seu parte, de fazerem pintadas no Campus Sul contra a privatizaçom da U.S.C., @s moç@s enfrontam-se a umha petiçom fiscal de 9 dias de trabalhos à comunidade ou 6 dias de “localizaçom permanente”, nome que recebe o antano conhecido como “arresto domiciliário” trás a última reforma do Código Penal espanhol. Ainda, teriam que afrontar umha responsabilidade civil cercana aos 750 E, e que, segundo @s encausad@s manifestárom a Ceivar,está mui sobre-estimada em relaçom mesmo aos hipotéticos danos que quem fossem @s autor@s das pintadas causariam. Mais umha mostra da escandalosa falta de parcialidade da “Justiça” que contra o Independentismo se administra de Fontinhas. No segundo dos juízos, a acusaçom solicitou umha pena económica de 105 E por “desobediència à autoridade” (sic) contra a sócia do local social nacionalista A Fouce de Ouro (Bertamiráns) por realizar um magusto popular para o qual contava co permisso do concelheiro de Cultura do BNG de Ames, José Fernández. Perante a acossa da sua Polícia Local à(o)s activistas da Fouce de Ouro, o Concelho de Ames (PSOE-BNG)di desconhecer o assunto e deixa via livre para que a sua vizinhança seja encausada até por actuar conforme à legalidade (solicitar permisso para o uso da praça pública de Chaviám, Bertamiráns). De Ceivar assinalamos o vereador do BNG José Fernández como máximo culpável do ataque da Polícia Local à companheira encausada, negando um permisso que el concedera, mostrando assi como edis dumha força política proclamada “de esquerdas” som cúmplices covardes da repressom contra o associacionismo juvenil. Pode-se ver na ligaçom de abaixo um relato da verdade dos factos acontecidos em Outubro em Bertamiráns.