Publicamos em versom pdf o livro ‘Pres@s nacionalistas galeg@s [Breve história 1975-2005]’

No passado Dia da Galiza Combatente, o nosso organismo anti-repressivo tirava à luz o livro ‘Pres@s nacionalistas galeg@s [Breve história 1975-2005]’, um material hoje imprescindível para começar a adentrar-se na temática da repressom e o cárcere por motivos políticos no nosso País. O texto íntegro do livro aparece na secçom ‘Bibliografia e publicaçons’ que com este motivo fica inaugurada. Animamos os nossos leitores e leitoras a dar a máxima difusom possível a esta primeira ediçom do livro, sugerindo apenas a citaçom da fonte. O material que hoje publicamos é resultado dum trabalho colectivo embora inviável sem o labor realizado no seu dia polo militante e ex preso independentista Antom Garcia Matos. ‘Pres@s nacionalistas galeg@s [Breve história 1975-2005]’ retrata sinopticamente trinta anos de luita nacionalista na clandestinidade e o cárcere e achega um mínimo esquelete cronológico que sucessivas investigaçons e achegas deverám continuar enriquecendo na direcçom de configurar aspectos fundamentais da nossa história colectiva. Com 103 páginas e umha selecçom extensa de material gráfico, o livro que hoje publicamos em aberto é a primeira achega editorial monográfica realizada sobre umha temática ocultada, distorcionada e deturpada, e contribuirá a deitar luz sobre um passado que marcou, e marca em grande medida, o presente do Movimento de Libertaçom Nacional Galego. Ceivar tem este livro à venda em diversos locais e em centros sociais de várias comarcas do país, polo preço de 9 E. Pode-se tamém conseguir solicitando-o no contacto ceivar@ceivar.org