Trás quase um ano e meio do encarceramento d@s militantes independentistas Giana Gomes e Ugio Caamanho, à espera de juízo e dispersad@s a centos de quilómetros da Galiza, a Plataforma Cidadá ‘Que Voltem à Casa’ convoca umha concentraçom na capital galega para denunciar a situaçom em que se encontram @s patriotas pres@s em Ávila e Cáceres e socializar as reivindicaçons que dérom lugar à sua constituiçom. O acto terá lugar o vindeiro sábado 16 de Dezembro e celebrará-se a partir das 18:30 h. na Praça do Toral de Compostela. A nova iniciativa da plataforma cidadá, que nas últimas semanas está a realizar diversas apresentaçons nas vilas e cidades do País para dar a conhecer as reivindicaçons que abandeira, supom um salto qualitativo na sua expresom pública, umha vez que se trata da primeira ocasiom em que recorre à via da mobilizaçom para socializar o cumprimento da legislaçom espanhola em todo o que fai respeito à situaçom d@s militantes Ugio Caamanho e Giana Gomes. Convidamos a visitar o sítio web desta iniciativa para a repatriaçom e a posta em liberdade d@s independentistas citad@s em quanto nom se celebre o seu juízo, e a dar a máxima difusom à presente convocatória em favor da transferência para a Galiza de amb@s pres@s e a sua liberdade. Anexamos ao pé desta notícia o sítio web da Plataforma Cidadá ‘Que Voltem à Casa’ com a que se pode contactar no correio electrónico quevoltemacasa@hotmail.com.