Duas pessoas detidas e várias contusionadas por antidistúrbios espanhóis no protesto contra o lider fascista israeliano Shlomo Ben-Ami

A Polícia espanhola volve fazer uso da violência contra um protesto social e soma mais detid@s e ferid@s à sua lista de intervençons. Segundo nos acabam de informar, duas pessoas teriam sido detidas esta tarde e muitas mais contusionadas por agentes da força de ocupaçom quando pretendiam exprimir o seu rechaço à presença na capital galega do ex-dirigente fascista israeliano Shlomo Ben-Ami, no seu dia ministro de Assuntos Estrangeiros do governo de Tel Aviv. A violenta intervençom policial nem sequer deu tempo a que se congregassem as pessoas convocadas para protestar contra a conferência ‘Entre choque e aliança de civilizaçons’ que ministrava o ex-ministro sionista. Tempo antes, efectivos policiais apostaram-se nas imediaçons da Aula Sócio-cultural de Caixa Galiza onde neste momento se deve estar a desenvolver a conferência. Segundo as primeiras informaçons, duas pessoas fôrom detidas e agredidas brutalmente no exterior da citada aula, enquanto as outras eram retiradas da sala por denunciar o acto do professor sionista. Várias carrinhas policiais ocupam nestes momentos as ruas Rapa da Folha, Carreira do Conde e as imediaçons do hipermercado Champion e rodeiam @s manifestantes que lográrom aceder ao ponto de encontro. De Ceivar queremos denunciar por enésima vez o emprego da violência policial selvagem contra o exercício da liberdade de expressom e reuniom. As agressons e detençons registadas nesta tarde demonstram mais umha vez quais som o carácter e as funçons que desempenha Polícia espanhola no nosso País, isto é, repressom da mobilizaçom social, prática da violência, vulneraçom de todo o tipo de direitos fundamentais e acossa sistemática àquelas cidadáns e cidadás galegos os exerzam. Mais do que umha instituiçom focada a velar polo exercício dos direitos fundamentais, como gosta de apresentar-se e ser apresentada, a Polícia espanhola é a condiçom imprescindível para que este exercício nom seja possível. O Clube Internacional de Imprensa e a Presidência da administraçom autonómica som as entidades que organizárom a conferência do ex-dirigente genocida. Seguindo conhecidas pautas informativas, o Telejornal da noite de TVG dou a conhecer a reuniom entre Pérez Touriño e Shlomo Ben-Ami, mas ocultou absolutamente a repressom do protesto. LIBERDADE PARA @S DETID@S! STOP REPRESSOM DA LIBERDADE DE EXPRESSOM! FORA AS FORÇAS DE OCUPAÇOM!