365 dias depois do início da ‘Operación Castiñeira’, o Grupo de Teatro da Associaçom Cultural Revolta e o nosso organismo convocam na cidade de Vigo um acto de denúncia da vaga repressiva aberta em 14 de Novembro de 2005 e que ainda continua com a pingueira de detençons e campanhas de desinformaçom acontecidas durante os últimos doze meses. O acto consistirá numha “performance” em que se representará o operativo iniciado pola Guarda Civil contra a Assembleia da Mocidade Independentista (AMI) há agora um ano. Iniciará-se a partir das 20:00 h. da tarde de hoje, terça-feira, frente ao Museu de Arte Contemporánea (Marco) situado na Rua do Príncipe. De Ceivar convidamos todas as pessoas interessadas a acodir a presenciar a “performance” concebida como acto de denúncia do processo repressivo começado em Novembro de 2005 e que motivara algumhas das mobilizaçons anti-repressivas mais concorridas do presente período.