A luita para rematar com a presença de simbologia fascista no nosso País continua produzindo detençons policiais, sançons administrativas e processamentos. Seis vizinh@s de Ponte Areas sentarám-se na próxima quarta-feira 8 de Novembro na bancada d@s acusad@s por ridiculizar através da ediçom de cartazes as similitudes entre a ex alcaldessa da vila, Nava Castro, e o ditador espanhol Francisco Franco, dentro dumha campanha que procurava a retirada do monumento ao genocida presente na vila do Condado. O juízo contra @s antifascistas celebrará-se em princípio passado manhá a partir das 11:00 no Julgado do Penal nº 3 da Audiência Provincial de Ponte Vedra. A acusaçom apresentada contra @s processad@s vulnera abertamente o exercício da liberdade de opiniom e expressom, dado que se denuncia a ediçom do cartaz em que se criticava a defesa por parte de Nava Castro da permanência em Ponte Areas do ícone fascista. Os advogados d@s processad@s, Marcos Lopes e Gustavo Garcia, denunciárom em rolda de imprensa o auto e riscárom de “inaudito” que o magistrado que está à frente do caso aceitasse a acusaçom do fiscal contra @s seis processad@s. Aliás, a defesa reivindicou “o direito à crítica política” e denunciou “a perseguiçom de direitos fundamentais num julgamento como esse”. Ex membros da ‘Plataforma pola Retirada do Monumento a Franco’ comparecérom na rolda de imprensa celebrada no Local Social Baiuca Vermelha. Recordamos que a ex regedora de Ponte Areas Nava Castro está ligada ao grupo político Uniom Condado Paradanta, formaçom política local de extrema direita esgaçada no seu dia do Partido Popular e à que pertence também o seu progenitor, o histórico cacique José Castro. Embora o processamento está fixado para o dia 8, existe a possibilidade de que seja adiado por faltar a citaçom dum comparecente. Esperamos comunicar nas próximas horas se o processo se prorroga no tempo ou se mantém a data de referência. De qualquer modo, Ceivar convida tod@s @s independentistas e, por extensom, àquelas pessoas comprometidas na defesa das liberdades democráticas para tod@s, a assistir ao processamento e a apoiar activamente @s processad@s.