O comisário da Polícia Espanhola em Ferrol-Narom, José Luis André Vega, afirma a existência dum férreo controlo nos colegios da comarca. Embora as tres patrulhas vigilam permanentemente certos centros de ensino no ‘Plano contra a Droga’ nos colégios, até o momento e desde o começo do curso escolar nom houvo detido qualquer, mas a Polícia espanhola tem feito algumha identificaçom ‘rotineira’. Os agentes nom sempre vam de uniforme apesar de que, segundo o comisário, este ‘pode actuar como elemento dissuassório’, fazendo-se a vigiláncia nom só nos centros de ensino mas também nos lugares de ócio da mocidade. O comisário afirma que nom existe um grave problema mas a “férrea vigiláncia” fai-se únicamente como prevençom. Aliás, segundo o comisário, os agentes também intervenhem nas infracçons que se podem cometer dentro do ámbito escolar. Já tempo atrás neste portal denunciavamos os intentos de criminalizaçom e amedrentamento da mocidade no ámbito do ‘Plano contra as Drogas’ nos colégios (ver ligaçom inferior). As declaraçons do comisário avançam um passo mais ao reconhecer que os agentes podem intervir em questons escolares, o que supom umha clara intromissom dentro dos centros educativos. Já nom se trata de dar umha educaçom onde a resoluçom dos conflitos seja dialogada. A intervençom policial resulta nestes casos anti-educativa ao basear-se no medo e na coerçom, e nom no razoamento nem no trato entre as pessoas.