Um dos policias que assasinarom a quatro pessoas em Nigram já sae à rua.

Quatro assasinatos e dous homicídios em grao de tentativa nom forom suficientes para impedir que Manuel Lorenzo Vázquez um dos dous ex-policias condenados polo crime de Nigram, disfrute já de saídas a diário da prisom e permisos de fim de semana. O Juiz de Vigiláncia Penitenciária de Madrid rompe assi com a decisom da Audiéncia de Pontevedra, e recurrida ante o Tribunal Supremo, que denegara a sua liberdade condicional no mês de Abril. O ex–policia que fora condenado a 212 anos de prisom foi trasladado ao Centro de Inserción Social Victoria Kent de Madrid despois de cumplir 12 anos de reclusom. O outro condenado Jesús Vela leva também desfrutado de alguns permisos e é possível que se lhe apliquem em breve tempo os benefícios do seu cúmprice. Gimnásia como reducçom de pena Segundo a advogada da família d@s assasinad@s, os dous policias proclamarom no início das suas condenas que pronto sairíam da prisom. Aliás, fontes judiciais nom se explicam a raçom do trato tam favorável dado polo Juiz de Vigiláncia Penitenciária quando está por resolver o recurso ante o Tribunal Supremo. Fontes citadas no Faro de Vigo dizem que Manuel Lorenzo tem acumulada umha importante reducçom de pena em base acudir ao gimnásio da prisom, e nom em base a trabalhos realizados no centro penitenciário como os demais reclusos. Atopámo-nos diante dum destes casos onde as varas de medir fluctúam segundo das pessoas de que se trate. Muitas pessoas presas vem denegadas as suas petiçons de liberdade condicional polos mais diversos motivos ainda que a maioria das vezes os delictos cometidos nom sejam da gravidade dos cometidos polos dous ex–policias. Sem ir mais longe, @s pres@s galeg@s Giana Gomes e Ugio Caamanho virom já denegadas em duas ocasons as petiçons de liberdade condicional, tendo restringidas as comunicaçons e estando dispersados e cambiados de centro penitenciário cada certo tempo.