Operári@s de Rodycut Montenegro vam à greve indefinida contra a repressom laboral

Rodycut Montenegro é umha empresa francesa instalada em Mós (comarca de Vigo) que conta com 70 trabalhador@s no seu quadro de pessoal. No passado dia 9 @s operári@s iniciavam umha greve contra a repressom sócio-laboral e a persecuçom da empresa que, a partir da próxima semana, passará a ser indefinida. Ameaças, sançons e acossa laboral nucleam os motivos do conflito entre Rodycut e @s trabalhador@s. Segundo informa o web da central nacionalista CIG, o quadro de pessoal da companhia está convocado à greve “para que a repressom empresarial cesse”. Assinalam a imposiçom periódica de mudanças na organizaçom e o tempo de trabalho (alimentaçom, ir ao banho, etc.) e o despedimento dumha trabalhadora. Aliás, a utilizaçom do produto cancerígeno MBOCA no processo produtivo por parte das pessoas que trabalham em Rodycut é outra das questons sobre que pivota o conflito: @s operári@s levam anos (sic) reclamando modificaçons nas instalaçons que impedam os efeitos patogénicos e mortíferos da substáncia. Câmaras de videovigiláncia Seguindo as pautas institucionais desenvolvidas na rua, os empresários da transnacional francesa situada em Mós optárom por fazer ouvidos surdos perante o conflito: instalárom câmaras de controlo na nave, reforçárom as medidas de pressom e colocárom contínuas sançons àquelas pessoas que demandam o respeito dos direitos d@s trabalhador@s. O despedimento dumha operária é a medida que dessatava umha resposta laboral colectiva aos contínuos excessos de Rodycut Montenegro. Ampliar informaçom no linque inferior.