A persecuçom policial, judicial e administrativa de independentistas por sabotar a presença de simbologia fascista nas ruas e praças da Galiza está à ordem do dia. A corporaçom municipal padronesa, presidida por Jesús Villamor (PP), vem de denunciar legalmente a formaçom independentista NÓS-Unidade Popular pola retirada em 21 de Março das placas que assinalavam duas ruas da vila com os nomes ‘Generalísimo Franco’ e ‘Calvo Sotelo’. Villamor solicitara a NÓS-UP a devoluiçom das placas fascistas retiradas, mas ante o siléncio d@s independentistas apresentou denúncia por um ‘delito’ de substracçom. Um representante legal da citada formaçom política personava-se a declarar esta manhá nos julgados da capital galega em qualidade de imputado por ‘danos’. Segundo o web de NÓS-Unidade Popular, esta organizaçom continuará a retirar “os humilhantes vestígios do franquismo” dos lugares públicos da Galiza. De Ceivar queremos manifestar a nossa solidariedade com @s militantes que em todo o País estám sendo detid@s, processad@s e sancionad@s por levar à prática o que, legalmente, corresponderia às instituiçons públicas na Galiza, embora fagam umha deixaçom quase absoluta das suas funçons neste aspecto. Animamos a populaçom galega em geral a somar-se a esta iniciativa de eliminaçom de qualquer vestígio de simbologia da repressom em todo o território nacional e a denunciar qualquer medida punitiva aplicada por este motivo. Ampliar informaçom no linque inferior