A construçom de meios de comunicaçom confeccionados na íntegra na nossa língua e livres das submissons e dependências dos meios ‘oficiais’ é umha tarefa de primeira ordem para qualquer trabalho de denúncia da repressom que mereza tal nome neste País. A Comissom de Denúncia da Galiza vem de dar um novo passo avante na criaçom de espaços de comunicaçom liberados e autogestionados para colocar perante os olhos da sociedade o que imprensa, rádio e televisom silenciam sistematicamente. O novo web do organismo nascido em 2004 e que se define como ‘Coordenaçom Social contra a Tortura e os Maus Tratos’ pode ser consultado no linque que anexamos ao pé desta notícia. Além de informar sobre os objectivos e entidades que configuram esta coordenadora, o sítio web da Comissom de Denúncia da Galiza facilita o contacto com esta coordenadora e anuncia as próximas actividades programadas no terreno da denúncia da tortura em cárceres, esquadras, centros de detençom de trabalhador@s estrangeir@s e prisons de menores, instituiçons totais nas que a comissom destas práticas se realiza com maior regularidade e impunidade. De Ceivar parabenizamos a iniciativa da CDG e desejamos que este novo meio de comunicaçom galego sirva para visibilizar umha realidade ocultada e tergiversada polos meios de difusom do sistema.