Comissom de Denúncia da Galiza convoca mobilizaçom perante o quartel da Guarda Civil de Arteixo

Coincidindo com a celebraçom do ‘Día del Pilar’, patrona da Guarda Civil espanhola, a Comissom de Denúncia da Galiza, um foro que reune organismos implicados na defesa das liberdades democráticas e a denúncia da repressom policial e penitenciária, convoca concentraçom perante o quartel da Guarda Civil de Arteixo. O motivo da mobilizaçom é exigir, mais umha vez desde Setembro de 2004, o esclarecimento total das circunstáncias em que se produzia nesse quartel a morte do jovem galego Diego Vinha Castro e as consequentes. responsabilidades penais. A cita está colocada para as 12:00 h. da manhá de 12 de Outubro no Polígono de Sabom (Arteixo) donde se avançará em manifestaçom até as dependências militares. Lembramos que o moço de 22 anos Diego Vinha Castro falecia no citado quartel em extranhas circunstáncias em 22 de Setembro de 2004. Diversas iniciativas judiciais e mobilizadoras venhem-se desenvolvendo desde aquela altura com o intuito de conseguir o esclarecimento do caso e a determinaçom de responsabilidades. A iniciativa da Comissom coincide nesta ocasiom com a festa de autoexaltaçom do instituto armado espanhol. Por parte do nosso organismo anti-repressivo, convidamos todas as leitoras e leitores deste portal a dar a maior difusom possível à presente convocatória da Comissom de Denúncia da Galiza e somar-se a um protesto que visa, em última instáncia, rematar com a absoluta impunidade com que se desenvolve no nosso País a violência policial. Mais informaçom no linque inferior