Pablo Carral saiu esta tarde em liberdade com cargos trás declarar ante Baltasar Garzón

Segundo as últimas informaçons que acabamos de receber, o cidadám galego residente em Euskal Herria Pablo Carral saia esta tarde em liberdade com cargos trás declarar perante o juíz da Audiência Nacional de Espanha Baltasar Garzón. O outro detido, Roberto Benito, foi posto também em liberdade. Ambas pessoas deverám apresentar-se a partir de agora cada 15 dias nos julgados até a celebraçom do seu juízo. Reivindicam a sabotagem Umha comunicaçom anónima ao diário abertzale Gara reivindicou esta manhá a sabotagem realizada a terça-feira contra a estaçom de comboios de Orereta e exculpou da autoria aos detidos. Segundo esta informaçom, a acçom realizou-se “em solidariedade com o preso Iñaki de Juana” e para “denunciar a imposiçom da cadeia perpétua”. A comunicaçom esclarece que os dous detidos pola Ertzaintza “nom tenhem nada a ver” com a sabotagem e aponta que “a versom do Departamento de Interior é totalmente falsa”.