Emigrante galego detido pola Ertzaintza e incomunicado sob legislaçom ‘antiterrorista’ quando colava cartazes

O jovem galego, natural de Burela e emigrado em Euskal Herria P. C. C. foi detido na passada noite por agentes da Ertzaintza junto a outra pessoa na localidade basca de Orereta. A detençom de P. C. C. produziu-se por vota das 11:00 da noite quando regressava de fazer umha colagem de cartazes, facto do que existem diversas testemunhas presenciais. A Polícia Autonómica basca acusa o moço burelês e o companheiro detido com ele de ter dado lume à estaçom de comboios de Gaztaño. P. C. C. encontra-se neste momento incomunicado em aplicaçom da lei ‘antiterrorista’ e sem que se poda determinar onde se encontra. Amig@s e familiares do cidadám galego detido manifestárom a este meio a sua “profunda preocupaçom” pola situaçom em que se pode encontrar o jovem, umha vez que a prática de torturas e mal-tratos é habitual sob o regime de detençom incomunicada. P. C. C. leva vários anos residindo em Orereta. Vizinh@s do detido convocárom para as 14:00 horas de hoje umha assembleia para informar da situaçom do burelês. De Ceivar queremos manifestar a nossa solidariedade com o compatriota P. C. C. e exigir o respeito da sua integridade física e psíquica e a sua imediata posta em liberdade. Afirmamos, ao igual que amig@s e familiares do detido, a nossa preocupaçom pola situaçom em que se poda encontrar nestas horas o cidadám galego, conhecedor@s de que, além do trato de que poda ser objecto, seria julgado polo tribunal político especial Audiência Nacional e em condiçons de absoluta falta de garantias jurídicas. P. C. C. LIBERDADE! NOM AO REGIME DE DETENÇOM INCOMUNICADA!