Mobilizam-se em Ponte Areas contra a detençom de antifascistas pola Guarda Civil

Numha tarde de chuva, 26 pessoas respondérom à convocatória anti-repressiva realizada pola formaçom independentista NÓS-UP perante a câmara municipal de Ponte Areas para solidarizar-se com Abraám Alonso e Paulo Porto, independentistas detidos esta semana pola Guarda Civil a passada e privados de liberdade durante quase 15 horas. Durante o acto, que estivo presidido por umha faixa na que se asseguva que ‘Denunciiar permanência de simbologia franquista pode levar a prisom’, gritárom-se as palavras de ordem ‘Simbologia fascista fora da Galiza!’, ‘Ser antifascista nom é delito!’ ou ‘Nom somos terroristas: somos antifascistas!’. Os dous acusados pola Guarda Civil de sabotar umha placa de homenagem a José Antonio Primo de Rivera e os ‘Caídos por España’ gravada na igreja de Salvaterra explicárom aos e ás concentradas os detalhes da detençom e transferência para o quartel da Guarda Civil em Ponte Vedra. Ambos reconhecérom a autoria da sabotagem de que os acusa o instituto armado espanhol.