Demandas de repatriaçom e liberdade para @s pres@s independentistas em Salva-Terra do Minho

Há uns dias finalizava a XX ediçom do Festival da Poesia d’Ocondado,celebrado em Salva-Terra do Minho, onde tamém o nosso organismo anti-repressivo levou, perante o numeroso público ali congregado, as reivindicaçons que a nível nacional estamos a socializar em favor do cumprimento da própria legalidade (estatal, europea e extracomunitária)no concernente à(o)s pres@s independentistas; cumprimento cujo estrito seguimento, carente de arbitrariedades discriminatórias, já de por si botaria por terra o mantemento de Giana Gomes e Ugio Caamanho em prisom sem juízo e a 600 km do seu País. Pudemos comprovar a boa acolhida que no público tivo a visualizaçom das nossas reivindicaçons, ao igual que a levada a cabo por parte da Plataforma Cidadá “Que voltem à casa!”, cuja leitura do seu manifesto do palco do concerto arrincou berros de entre @s assistentes em favor da liberdade d@s pres@s independentistas Giana Gomes e Ugio Caamanho. Aliás, durante dous dias, de CEIVAR tamém distribuímos entre a gente que se achegou ao festival diverso material informativo sobre a situaçom d@s pres@s (“Comunicado d@s pres@s independentistas ao Movimento”, o nosso vozeiro “Cisalha”,os informes anti-repressivos mensais que o nosso organismo publica, etc.) e sobre outros processos abertos contra o M.L.N.G. (nomeadamente, a “Operación Castiñeira” levada a cabo pola Garda Civil contra a A.M.I.), assi como material de venda em solidariedade co(a)s represaliad@s, para a arrecadaçom económica precisa com vistas a afrontar ditos processos (CONTA SOLIDÁRIA DE CEIVAR: 2091 0395 21 3040001337) De CEIVAR anunciamos que continuaremos levando a cabo a presente campanha nacional pol@s pres@s independentistas em todas as comarcas do País,à qual animamos todas as pessoas solidárias a se sumarem a um trabalho voluntário de denúncia (pintadas, reparto de material, murais, faixas, etc.) contra o encarceramento e a dispersom d@s pres@s. A gente e colectividades interessadas em receber material de denúncia do encarceramento e dispersom de Ugio Caamanho e Giana Gomes para a sua distribuiçom,podem pôr-se em contacto com nós no correio ceivar@ceivar.org. O nosso organismo compromete-se a enviar, gratuitamente, o citado material aos endereços que se nos asignem.