Seguindo com a tónica iniciada no passado Dia da Pátria, voluntári@s e militantes de Ceivar continuamos no dia de ontem denunciando em todo o País os 365 dias de sequestro legal d@s pres@s independentistas galeg@s Giana Gomes e Ugio Caamanho. A iniciativa coincidiu com o retorno à vida laboral de milhares de galegos e galegas. A intervençom consistiu na colocaçom de faixas nos acessos por estrada e autoestrada às principais cidades da CAG nas que se assinalava o facto de ter-se cumprido 365 dias desde a detençom pola Polícia espanhola d@s citad@s militantes galeg@s e o seu posterior ingresso em prisom preventiva. Ilegalidade e irregularidade As legendas recordárom que o encarceramento de Ugio Caamanho e Giana Gomes produz-se sob umha ilegalidade e umha irregularidade. Umha ilegalidade, porquanto amb@s pres@s polític@s fôrom dispersad@s a centros penitenciários espanhóis (Ávila e Cáceres) ubicados a centos de quilómetros da Galiza, incumprindo-se gravemente a Lei Geral Penitenciária espanhola com um único objectivo político: estender a repressom a familiares e amig@s e endurecer o tratamento repressivo de que som objecto @s militantes encarcerad@s, somando à prisom o afastamento do seu contorno sócio-cultural, afectivo e político. Por outra parte, umha arbitrariedade, porquanto o decreto da prisom preventiva é utilizado de modo perverso e sistemático com aquelas pessoas às que o Estado espanhol qualifica de ‘terroristas’. Aliás, o motivo alegado para decretar a prisom preventiva –a existência de ‘alarme social’- nom pode ser mais inconsistente, dado que esta nom se encontra definida em funçom de realidades objectivas e taxáveis, mas do ruído mediático que se tenha desenvolvido a raiz da detençom das pessoas que som encarceradas. Estender a iniciativa de solidariedade De Ceivar anunciamos desta página que continuaremos a desenvolver todas as acçons necessárias para denunciar o encarceramento e a dispersom d@s patriotas galeg@s até alcançarmos a sua definitiva repatriaçom e liberdade. A repressom, que já se fijo sentir também sobre esta elementar dinámica reivindicativa, nom vai conseguir o nosso silenciamento, mas unicamente o reforçamento da mesma e a sua extensom a outras comarcas do País. Neste sentido, convidamos todas aquelas pessoas e colectividades interessadas em receber material de denúncia do encarceramento e dispersom de Ugio Caamanho e Giana Gomes para a sua distribuiçom a que se ponham em contacto com nós no correio ceivar@ceivar.org. O nosso organismo compromete-se a enviar, gratuitamente, o citado material aos endereços que se nos asignem. Por outra parte, convidamos a um trabalho voluntário de denúncia (pintadas, reparto de material, murais, faixas, etc.) do encarceramento e a dispersom d@s pres@s independentistas a todas as pessoas que se desloquem nestes dias no território nacional com motivo das férias.