A reivindicaçom da transferência à Galiza d@s pres@s independentistas Giana Gomes e Ugio Caamanho continua gerando actos de protesto. Seis pessoas com as caras cubertas com máscaras brancas amordaçadas por bandeiras espanholas deitavam esta manhá ovos com pintura vermelha e amarela contra a Delegaçom do Governo espanhol na Corunha. O acto reivindicativo desenvolvia-se sobre as 12:30 da manhá quando as citadas pessoas lançárom ovos contra o edifício institucional. Aliás, inscrebérom na fachada do imóvel a legenda ‘Ugio e Giana, repatriaçom já!’. Efectivos do serviço de limpeza do edifício apagavam escassas horas depois da sua fachada os impactos de pintura e a pintada realizada nel. A notícia nom foi cuberta por nengum meio apesar de ter sido avisados com tempo suficiente. De Ceivar queremos manifestar a nossa solidariedade com @s autor@s do acto reivindicativo em favor de que se cumpram os direitos penitenciários dos cidadáns galeg@s Giana Gomes e Ugio Caamanho. A deportaçom de amb@s a centros penitenciários espanhóis situados em Ávila (a 500 qm. da Galiza) e Cáceres (a 700 qm.) infringe de modo flagrante o direito de toda pessoa presa a cumprir a prisom preventiva num cárcere situado próximo da sua residência habitual; um direito que, aliás, é recolhido na legislaçom penitenciária espanhola e em múltiplas convençons internacionais. Consideramos aliás que corresponde à Delegaçom do Governo espanhol no nosso País, como representante das decisons do Executivo de Madrid na nossa Terra, a responsabilidade política pola situaçom em que se encontram Ugio Caamanho e Giana Gomes e pola vulneraçom dos direitos legais de amb@s, razom pola que a acçom reivindicativa desta manhá alcança toda a sua significaçom e conteúdo político.