Jornal soberanista jos_content da Galiza é processado “por calúnias” trás publicar reportagem sobre o SVA

Que a difusom livre de informaçom e opiniom é ainda um horizonte lonjano na democracia espanhola é um dado que nom escapa a nengumha pessoa que trabalhe em meios de comunicaçom alternativos. Trás a clausura policial do sítio web da AMI e os ataques reiterados ao portal de informaçom galizalivre.org, agora parece ter-lhe tocado o turno ao jornal mensal jos_content DA GALIZA. Segundo informa o nº 44 da publicaçom, o SVA vem de denunciar “por calúnias” o períodico soberanista. O Julgado de Instruçom nº 1 da capital galega tramita desde há semanas umha denúncia penal apresentada por um agente do Serviço de Vigiláncia Alfandegueira (SVA) por umhas supostas calúnias publicadas no número 30 de jos_content DA GALIZA. Resenhamos ao pé desta informaçom o linque onde se pode consultar a informaçom que está no centro da polémica. A reportagem aludida desenvolve a existência de contactos entre a citada agência e a direcçom da empresa de náutica desportiva Rodman Polyships que teriam frustado umha operaçom contra o narcotráfico preparada polo corpo de vigiláncia. Segundo assevera o jornal galego, as suas pesquisas contárom com entrevistas jornalísticas a diferentes fontes, apoio documental, testemunhas e material hemerográfico “que permitírom revelar em exclusiva práticas irregulares de integrantes do SVA desconhecidas para a opiniom pública”. De Ceivar informaremos da evoluiçom deste processo judicial contra o jornal soberanista em quanto se produzam novos acontecimentos.