Respondendo à nossa condiçom de organismo anti-repressivo integrado politicamente num todo mais amplo denominado Movimento de Libertaçom Nacional Galego, Ceivar acordava na última Mesa Nacional aderir à mobilizaçom do Dia da Pátria convocada polas Bases Democráticas Galegas (BDG) em favor do reconhecimento e o exercício do direito de Autodeterminaçom pol@s galeg@s. A nossa adesom à mobilizaçom das BDG nom suporá a participaçom activa na manifestaçom cuja saída está programada para as 13:00 h. do dia 25 de Julho da Alameda de Compostela, dado que o organismo desdobrará umha intervençom própria nessa jornada destinada a dar a conhecer e denunciar perante o conjunto da base social do nacionalismo a continuidade da ‘Operación Castiñeira’, as demandas de repatriaçom e liberdade d@s pres@s independentistas e a denúncia genérica da repressom de que está a ser objecto o independentismo nos últimos meses. Contodo, a nossa identificaçom com a convocatória é absoluta, umha vez que as BDG representam a única iniciativa suprapartidária e realmente plural que assume a reivindicaçom do direito de Autodeterminaçom além de outras reivindicaçons como o reconhecimento de liberdades democráticas plenas e a denúncia da repressom política. Convidamos, portanto, a participar maciçamente na manifestaçom convocada para o Dia da Pátria por parte das BDG.