O trabalho de denúncia da repressom nom passa desapercebido para as direcçons dos corpos encarregados de exerce-la. Assim, segundo pudemos comprovar a partir da revisom dos IPs que nos visitam –número de identificaçom dum determinado computador-, tanto a Direcçom Geral da Guarda Civil quanto a Direcçom Geral da Polícia espanhola se tomam a moléstia de fiscalizar regularmente o trabalho de contra-informaçom que elabora este portal. O dado nom é novo nem desconhecido, umha vez que temos comprovado de modo reiterativo como em multidom de sumários abertos contra militantes independentistas as notícias publicadas no nosso sítio web aparecem como parte da documentaçom anexada por ambos corpos repressivos. Esta ‘consideraçom’ policial face o nosso trabalho é partilhada habitualmente com o portal www.galizalivre.org, umha outra página electrónica cuja informaçom é anexada em multidom de sumários judiciais. Segundo vimos de comprovar até onde o permitem as possibilidades técnicas que manejamos, as direcçons gerais de ambas forças de ocupaçom visitam periodicamente www.ceivar.org. A fiscalizaçom policial regular do nosso trabalho informativo enquadra-se na nossa opiniom no seguimento permanente ou periódico de que som objecto neste País dezenas de pessoas, colectivos e organizaçons colocados sob controlo e vigiláncia no marco dos sumários iniciados contra o MLNG na Audiência Nacional de Espanha. Os dados de que dispomos a dia de hoje som os seguintes: Visitas da Direcçom Geral da Guarda Civil: Março 2006: 21 Abril 2006: 19 Maio 2006: 23 Junho 2006: 29 Julho 2006 (até hoje): 7 Visitas da Direcçom Geral da Polícia (DGP) espanhola: Março 2006: 18 Abril 2006: sem dados Maio 2006: sem dados Junho 2006: sem dados Julho (até hoje): 7