A notícia aparece hoje no diário La Voz de Galicia citando como referência informativa fontes policiais espanholas. A partir do dia de ontem e até a celebraçom do Dia da Pátria, efectivos das FSE reforçarám a sua presença e vigiláncia em todos os acessos por estrada à capital galega. Este dispositivo vem-se somar ao importante despregamento policial que se produziu nas ruas de Compostela nos últimos dias e que, deste portal, denunciamos como umha fonte de ataques aos direitos e liberdades da cidadania. Embora o dispositivo foi justificado a semana passada através dos meios oficiais como resultado da maior “presença dos cacos” durante esta época e “as rebaixas” (sic), o desdobramento progressivo do operativo policial demonstra que os objectivos nom se situam realmente neste plano, mas numha vigiláncia intensiva da capital galega com a vista posta na jornada de luita pola soberania nacional do Dia da Pátria, à que acodirám milhares de pessoas a reivindicar a condiçom nacional da Galiza e o reconhecimento do direito de Autodeterminaçom para o País. Alerta contra a repressom Agentes espanhóis fortemente armados ocupavam ontem umha rotunda da rua Mestre Mateu, provocando intensas retençons do tránsito rodado e gerando um programado clima de alarme social próprio de ‘operativos antiterroristas’. A colaboraçom da Polícia local com os efectivos da Polícia espanhola está a ser intensa nestes dias, como demonstra a existência de patrulhas mixtas nas ruas da cidade. Por parte de Ceivar, já temos denunciado o excelente caldo de cultivo que este tipo de situaçons ‘extraordinárias’ suponhem para a expressom de comportamentos arbitrários por parte das FSE e para a aplicaçom intensiva de identificaçons, retençons, agressons e detençons que afectam, habitualmente, aqueles sectores da vizinhança local que nom encaixam nos cánons estéticos e sócio-económicos dominantes ou integram associaçons e colectivos enfrentados com o status quo. Perante este cenário, o organismo anti-repressivo chama àquelas pessoas que sejam objecto de vexaçons e arbitrariedades a nom ficar paralisadas ante a intervençom policial, solicitar a identificaçom dos agentes que intervenham neste tipo de actuaçons –legalmente exigível- e cursar as denúncias que fossem necessárias como forma de combater a impunidade policial. Igualmente, demandamos mais umha vez a retirada das FSE do Estado espanhol do nosso País, umha vez que esta presença carece de qualquer tipo de legitimidade e é um símbolo material da vulneraçom da nossa soberania nacional. Ampliar informaçom no linque inferior