Agentes da Guarda Civil assaltam activistas das Bases Democráticas no Milhadoiro

O exercício da liberdade de expressom segue a ser umha carreira de obstáculos na comarca de Compostela. Dous activistas das Bases Democráticas Galegas eram literalmente assaltados na madrugada de hoje por agentes uniformados da Guarda Civil espanhola quando colavam cartazes no Milhadoiro (Ames) difundindo a convocatória das BDG para o próximo Dia da Pátria. B. M. e A. S. P. fôrom agarrados polos braços por parte da parelha policial que, aliás, pretendia requisar os cartazes que estes colavam e solicitava a identificaçom de ambos cidadáns. Dado que A. S. P. demandou os números de placa dos dous agentes antes de identificar-se, foi algemado e conduzido às dependências que o instituto armado tem na citada paróquia, onde estivo retido durante meia hora para ser posteriormente posto em liberdade. De Ceivar cursará-se na semana que entra umha denúncia judicial contra os dous agentes da Guarda Civil, procurando estender progressivamente esta mínima prática de autodefesa legal a todas as detençons, retençons e identificaçons ilegais de que som objecto regularmente militantes independentistas em todo o País. Novo quartel Enquanto os agentes do instituto armado espanhol se dedicam a impedir de facto o exercício dos direitos fundamentais das pessoas nos termos municipais de Ames e Briom, o governo municipal de Ames conformado polo PSOE e o BNG parabenizava-se recentemente pola futura criaçom dum novo quartel policial que alargará a presença na comarca de agentes da Guarda Civil e multiplicará o tipo de abusos que vimos denunciando. Por outra parte, segundo informárom vizinhos do Milhadoiro, agentes do corpo repressivo espanhol retiravam há quinze dias as faixas colocadas por militantes de Ceivar nos passos elevados da paróquia para demandar a transferência à Galiza d@s pres@s independentistas Giana Gomes e Ugio Caamanho.