Em mais de umha ocasiom temos denunciado neste portal como a repressom policial e judicial nom se ceva exclusivamente nos núcleos politicamente mais activos e organizados, senom que também afecta todo tipo de contestaçom que alcanze um certo nível de seguimento e efectividade. A sentença emitida recentemente contra @s maricador@s de Baralhobre (Trasancos) pom mais umha vez acima da mesa esta realidade. Dando continuidade à informaçom publicada no seu dia -olhar linque inferior-, umha das quatro pessoas imputadas em relaçom com o protesto realizado no edifício de Junta da CAG em Ferrol em Novembro do 2002 era condenada a seis meses de prisom por um delito de ‘resistência à autoridade’. Aliás, @s quatro encausad@s terám que pagar colectivamente umhas sançons por valor de mais de 1.400 euros por faltas ‘contra a ordem pública’ e ‘desobediência’. Exemplarizar Os factos aos que nos refirimos datam de 19 de Novembro de 2002, quando, em plena crise do Prestige, @s denunciad@s ocuparam o sexto andar do imóvel institucional para protestar polo decomisso irregular por parte de Pesca da ameixa capturada em duas jornadas de trabalho e exigiam, urgentemente, umha reuniom com a Delegada Provincial, Sra. Beatriz Mato, dada a gravidade da situaçom e o recente afundimento do petroleiro. A petiçom do fiscal no momento do juízo foi de 8 anos de prisom e 30.000 euros de multa para @s quatro acusad@s. O processo salda-se finalmente com unha pena consideravelmente menor do que a solicitada no seu dia, mas que aplica o argumento da exemplaridade negativa para evidenciar que a defesa do meio de trabalho é punível se nom se ajusta aos cauces da ‘correcçom política’ estabelecida. O despreço dos direitos d@s administrad@s por parte de quem, formalmente, dizem defende-los provoca que os protestos adquiram seriedade e, por vezes, contundência. Nestes casos, a livre absoluçom d@s trabalhador@s é a única via de ‘fazer justiça’ e quem realmente teria que ser julgado é @ responsável polític@ que da sobérbia do seu gabinete pom as maiores travas para a resoluçom dos problemas.