Polícia espanhola acossa militantes de Galiza Nova em Monforte de Lemos

A repressom de ‘baixa intensidade’ estende-se a toda quanta comarca na que o activismo nacionalista se manifesta pública e abertamente, invalidando de facto a opiniom segundo a qual na Galiza desfrutamos de liberdades democráticas formais. O último exemplo constituem-no os jovens militantes nacionalistas de Monforte de Lemos acossad@s pola Polícia espanhola e submetid@s a umha pressom repressiva sistemática por parte de agentes desta força de ocupaçom. @s afectad@s denunciam como o passado 23 de Junho dous moços pertenecentes à organizaçom juvenil do BNG fôrom retidos e levados à esquadra policial de Monforte para a sua identificaçom por repartirem informaçom sobre o ‘Estatuto de Naçom’ perante os centros de ensino da vila do Cabe. Segundo estes moços, nom se trata de factos isolados, pois dous meses atrás outro grupo de jovens de Galiza Nova eram também retid@s e identificad@s quando se dispunham ao arranjo dum mural em más condiçons. Galiza Nova asseverou que nom descarta emprender acçons legais contra o ‘excesso de zelo’ policial a que som submetid@s @s seus e suas militantes e a perseguiçom policial de que som objecto. Mais informaçom no web da formaçom juvenil.