Militantes de Ceivar perseguid@s e identificad@s por agentes do 092 na capital galega

A liberdade de expressom continua sendo um direito fundamental polo que luitar na autodenominada democracia espanhola e numha cidade policial como Compostela. @s militantes do organismo anti-repressivo P. A. e J. P. comprovavam mais umha vez esta verdade na madrugada de hoje, trás ser perseguid@s, acurralad@s e identificad@s por efectivos ‘antidistúrbios’ da Polícia municipal quando colavam cartazes denunciando a vulneraçom dos direitos penitenciários do cidadám galego Ugio Caamanho e da cidadá galega Giana Gomes e exigindo a sua repatriaçom. As carreiras produziam-se por volta das 01:00 h. da madrugada no casco histórico da capital galega, trás localizarem os agentes do 092 vários cartazes nos que se denunciava a dispersom penitenciária d@s pres@s independentistas galeg@s e se exigia ao Governo espanhol a sua “imediata repatriaçom” sob a legenda “É o seu direito!”. A detecçom da propaganda motivava que várias unidades policiais começassem pulular polo casco velho à procura d@s autor@s da colagem, localizando-@s finalmente e identificando-@s para fazer a habitual denúncia por exercício da liberdade de expressom financiada polo governo municipal. Agentes da Polícia municipal retiram a mao cartazes de Ceivar Por parte de Ceivar será apresentada umha outra denúncia contra os dous agentes por identificaçom arbitrária e vulneraçom dum direito fundamental trás entregarem ambos os seus respectivos números de placa como é preceptivo. Apontar, também, que agentes do corpo repressivo local empregárom-se durante a noite para retirar manualmente parte dos cartazes colocados no casco histórico. A primeira hora do dia, trabalhador@s da brigada municipal de limpeza às ordens do governo de coaligaçom PSOE-BNG faziam o próprio com os restantes, embora centos de pessoas pudérom conhecer de primeira mao a denúncia da situaçom exposta polo nosso organismo.