Ceivar organiza amanhá umha jornada sobre a tipicidade penal das acçons ilegais

Dentro da Universidade Popular de Direito que desde o passado mês de Abril organizamos na Casa Encantada, o organismo anti-repressivo convoca para amanhá a partir das 22:00 h. no centro social compostelano umha jornada para o estudo da tipicidade penal de diferentes acçons e comportamentos considerados ilegais no Estado espanhol e punidos penalmente. Assi, abordarám-se figuras delitivas como os ‘danos’, os ‘estragos’, a ‘desobediência à autoridade’, a ‘associaçom ilícita’, etc. que motivárom no passado e motivam actualmente processamentos penais de militantes. A jornada de amanhá tem o interesse engadido de aprofundar sobre um tipo delitivo que hoje se encontra no centro dum processo repressivo que está a motivar detençons periódicas de independentistas: a ‘associaçom ilícita’, cargo com que a Justiça espanhol está a imputar @s militantes detid@s na ‘Operación Castiñeiras’, ainda aberta. Com esta jornada dá-se por clausurada a Universidade Popular de Direito que vimos desenvolvendo em colaboraçom com a Casa Encantada e à que assistírom umha meia de 20 a 30 pessoas por jornada, demonstrando-se o interesse existente a respeito destas questons e a sua utilidade de ordem prática.