A transferência d@s pres@s independentistas galeg@s a um centro penitenciário espanhol situado na Galiza é para nós umha reivindicaçom elementar, permanente e cingida de modo estrito ao marco legal vigente. Aliás, este objectivo vem de ser assumido por dezenas de pessoas que recentemente constituiam a ‘Plataforma Que voltem à casa!’ A plataforma social apresenta no seu sítio web www.quevoltemacasa.info os motivos da sua constituiçom, isto é, a transferência d@s independentistas galeg@s Giana Gomes e Ugio Caamanho a um cárcere espanhol instalado no nosso País; a posta em liberdade de amb@s militantes enquanto nom se celebre o seu juízo e o respeito de todos os direitos de que o cidadám e a cidadá galega som depositárias, mesmo encontrando-se numha situaçom de privaçom de liberdade. Além da reivindicaçom dos citados objectivos, ‘Que voltem à casa!’ afirma procurar “a sensibilizaçom informativa da sociedade galega para que faga suas estas reivindicaçons” e fundamenta legalmente no seu Manifesto as consequências que para amb@s pres@s e os seus respectivos contornos sociais tem a tranferência d@s primeiros a centros de reclusom situados a centos de quilómetros do nosso País. Apresentaçom pública Esta iniciativa está actualmente recabando apoios ao Manifesto que se pode consultar no seu sítio web. Segundo se pode comprovar, por volta de 130 pessoas tenhem declarado publicamente o seu apoio ao manifesto encontrando-se entre @s assinantes autónomos, pessoas vinculadas ao movimento juvenil, advogad@s, jornalistas, professorado, sindicalistas, activistas do movimento ambientalista galego, músicos, trabalhador@s da Sanidade, etc. A lista de adesons continua aberta e facilita-se através do web o contacto directo com a plataforma social de defesa dos direitos penitenciários de Ugio Caamanho e Giana Gomes. A apresentaçom pública da iniciativa realizará-se esta quinta-feira dia 22 de Junho em dous actos diferenciados: primeiramente, ‘Que voltem à casa!’ dará umha rolda de imprensa explicativa dos motivos que levam à conformaçom da plataforma. Isto ocorrerá na Galeria Sargadelos da capital galega a partir das 12:30 h. da manhá. Pola tarde, a partir das 20:30 h., ‘Que voltem à casa’ celebrará umha festa no centro social O Pichel na que se dará a conhecer a plataforma e se distribuirá diverso material informativo. De Ceivar parabenizamos e declaramos o nosso apoio a esta iniciativa que procura, dentro do marco penitenciário vigente, acabar com algumhas das principais vulneraçons de direitos de que som objecto @s militantes independentistas Giana Gomes e Ugio Caamanho. Aliás, apelamos a todas as pessoas vinculadas à defesa dos direitos e liberdades democráticas a acodirem o dia 22 ao acto que organiza ‘Que voltem à casa’ no local social compostelano. Anexamos ao pé desta informaçom o linque com o sítio web desta iniciativa.