Comissom de Denúncia da Galiza convoca mobilizaçom contra a tortura em Monte Roso

A Comissom de Denúncia da Galiza, coordenadora social contra a tortura e os maus tratos na que integrou recentemente Ceivar, convoca para o vindouro dia 17 de Junho umha concentraçom para denunciar as vulneraçons de direitos humanos e liberdades fundamentais no Centro Penitenciário de Monte Roso. A cita é para as 12:00 h. da manhá na Praça do Concelho. Sob e legenda ‘Nom mais mortes sob custódia. Nom mais mortes com impunidade’, a Comissom de Denúncia da Galiza denunciará as infra-humanas condiçons de vida que suportam as pessoas presas no cárcere de Monte Roso, a carência de água quente no centro penitenciário, a deficiente e por vezes negligente atençom higiénico-sanitária que oferece esta prisom e as malheiras recebidas por presos. Aliás, a mobilizaçom que se desenvolverá este sábado exige a demissom da direcçom do centro penitenciário de Monte Roso e umha investigaçom em condiçons das mortes que se tenhem produzido neste cárcere espanhol na Galiza. O correio de contacto da Comissom de Denúncia da Galiza é comunicaciontorturas@cespp.org.