Centro social O Pichel organiza festa-concerto para enfrentar a repressom de que é objecto pola câmara municipal

A câmara municipal de Compostela está decidida a colocar permanentemente à defensiva todas as iniciativas cidadás que nom tenham carimbo institucional e sejam politicamente ‘normalizadas’. O centro social O Pichel está a pagar literalmente o custo que na capital galega tem o agir por livre, enquadrar-se em parámetros de defesa da nossa língua e cultura nacionais e nom render pleitessia ao poder municipal. Trás as sançons económicas impostas polo governo municipal PSOE-BNG, o centro social compostelano vem de convocar umha ‘Festa-concerto solidária com a Gentalha’ na que actuará a histórica formaçom galega Serra-lhe aí. O acto começará esta quinta-feira 15 de Junho a partir das 21:30 h. e organiza-se para fazer frente à repressom económica de que está sendo objecto o centro social e socializar a existência desta. De Ceivar chamamos a participar neste acto solidário com O Pichel e denunciamos mais umha vez a vaga repressiva de que som objecto os locais sociais da Galiza, com assaltos e registos da Guarda Civil, criminalizaçom mediática e repressom económica acrescentada. Todas medidas tendentes a situar à defensiva a actividade que desenvolvem estes centros e impedir o seu desenvolvimento normalizado. Mais informaçom no linque inferior